Ceo mi nàro Fabio Forroia e so naschìdu su 17 de Maltu de su 1986 in sa ‘ iddha de Olbia (o Terranoa), ma so uddusoinu in carena, amina e coro. Appo istudiàdu in s’Iscòla Nautica de ‘La Maddalena’ e una olta accabbadu sos istudios appo cuminzàdu erettu a tribagliàre in sas balcas e in sas nàes girendhe su mundu dae una fache a s’attera, finza a su 2009, inùe so torràdu a tribagliàre a Olbia, in s’Hotel Panorama. Iscrìo Poesias e contos in lìmba ca a mie piaghet curàre e ‘aldiàre sa limba nostra galàna e antìga. S’annu 2015 appo presentadu su libbru e sa famiglia mia ‘’Una famiglia buddusoina – Forroia Galanu’’, unu tribagliu de nessi una paja e annos inue s’accattana imprentadas sas raighinasa de su sambenadu Forroia Galanu. Este dae sa pizzinnia chi nutro in su coro custu sentore, custu amore mannu pro sa terra, sa cultùra e sas traisciònes de sa nostra Saldigna.